作主青年 - 青年樹窿 攀岩日記

by貞德恩

今日想同大家介紹一項運動，就係攀岩！以前我一直覺得玩呢D運動，身體質素一定要好好，最好有啲肌肉。但玩落後發現攀岩完全唔係我以前所諗嘅咁樣，我現在玩咗兩個多月，見到很多不同體態的人都在玩，重點係大家都攀得不錯，玩攀岩嘅玩法亦有動有靜。

點解要介紹俾大家？因為我認為呢項活動基本上沒有什麼門檻，什麼人都可以去試。還可以在攀爬的過程中學到很多東西；正如我自己本身壓力有點大，經常嘗試玩各種運動，然而攀岩係我覺得最舒壓嘅運動，同埋會學到人生大道理。有朋友講過，一直捉住嗰個岩點，驚跌落嚟唔肯放手，其實對攀岩唔好，因為你係咁捉實岩點嘅時候，你的手部肌肉會攰，令到你之後再攀下一個岩點時可能要休息得耐啲，但係如果你夠膽幫放手，所有嘅痛苦都會即刻飛走晒。這點很像我們的日常，因為有時不敢放手，所以很痛苦，給自己勇氣放開雙手未必係一件壞事。希望大家睇完呢一篇嘅文章可以去試吓攀岩，挑戰一下新嘅事！加油！